Assimilation hlauhawm zia kan sawi chhen a, kan hnam zia leh tihdan te chhawm nun zel a trul zia kan inzirtir fo bawk. Art & Culture Department te kan nei a, kan hnam lam te an in zirtir a, YMA ang pawh in an zir in an intihsiak ngun. Zai lam ah pawh Mizo musical instrument hmang a zai te an ti thar leh a. Chi hrang hrang in kan hnam zia chawm nun zel nan kan bei. Ramhlun North YMA Branch hi a thawh hlawk pawl tak chu an ni in ka hria.
Hnam zia chawi nun na kawng lam ka ngaihtuah ve thrin hi fa han neih meuh chuan a danglam ta zak mai.
**Pawnto: Kan pawnto nasat thrin zia kha. Tunlai Aizawl naupang tam tak hi 'Pawnto ang' ti i la, enge 'pawnto' hrelo hi an kat nuk ang em? 'Pawnto' chu eitur emaw ti mai tawk te pawh an awm ka ring deuh hial a ni. Nu leh pa te pawh hian fate 'pawnto' an phal em le...'pawnto generation' kha a thring deuh tawh nge mawni zawk...'Pawnto' hi a thra nge thralo?
**Nauawihhla: Alexx-a hian "kan hmuh hmuh kan chham a, kan zai a, nauawih hla a ni mai alawm" a tia...a dik khawp mai...mahse kan Mizo nauawih hla te hi a hmang duh tan engtin nge kan tih nun leh theih ang?. A thu ringawt ziah chuan a thluk dan kan hre leh awm bawk si lo a, a audio in emaw a video in emaw Art & Culture department te hian siam ta se, te ka lo ti mai mai a. Demand channel ah te hian dah se, a lar chak fu ang a. Youtube ah te upload se, Mizoram lam a awm lo te tan pawh. '...tlang ah ruahpui a sur e, sakhi lam peng rawn zawh la, rawn zangphar der der ang che...' tih ang te kha.
**Naupang lam hla hrim hrim: '...sikul ka luh tirh in, mikhual ang ka lo ni...' tih te kha...tlem tlem chiah ka hria a...sak chhuah theih ka chak lutuk...
**Thawnthu a hla: Mizo thawnthu a hla awm te pawh hi. Mizo thawnthu compilation bu chu a awm nual in ka hria a. Thriannu Jerusha hian Mizo thawnthu pakhat hman ah chat na ah min hrilh a, Chawngchilhi (emawni) nau in rulpui a auh hla kha 'ka sa thiam vek a sin' a tih ka la hre reng. Khatiang ang chi te, Mauruangi thawnthu ah te pawh hla ang a sak chi a awm nual kha. A tam in ka hria hetiang chi hi. Heng te pawh hi siam tel ta se, hlut deuh deuh tu kan tam fu ka ring tlat.
Tunlai chu heng vel hi ka vei ve tlatz :D
Subscribe to:
Post Comments (Atom)
Thu leh hla hi ka hriatloh zawng tak ani, han tanpui ngaihna che ka hre hlawl lo. "Sikul ka lu tirhin mikhual ang ka ni a, Ka pawl min siamsakin ka hming an ziak lut a.....Chhawntu awm silo chu lungleng awm tak maiin 'Aw' ka han ti a" tihvel kha chu ka la hre nialnual. Engmawia-a awih nân i ti deuh emia? I hriatloh chuan awilo mai la, a muhil ve tho ang :D
ReplyDeleteA, AW, B hla chu kan sa nasa thin asin mawle.. ka la sa chhuak thei vek asin.. ka han sa dawn ami? hahahaa..
ReplyDeleteHla ngaithla tam pawl tak si ah chuan sak chhuah theih pakhat mah ka neih ka hre lo! Kan Abigail kan awi tak tak hi chu.. ka hmuh phak chin chin hi ka chham zel a.. hla tawp thei lo hi ka phuah chhuak zung zung mai a ni.. nitin hla thar hlak, a muthilh hma daih hi ka sak sak ziah thei!
ReplyDeleteHei a lo changkang leh ta deuh a, thawnthu sawi hi a ngaithla duh ta riu mai pek a... thawnthu tak tak han sawi teh duah tur ka hre bawk silo.. kan thawnthu sawi thrin pakhat hnih te hi ko panga tlan liam te hriat reng nan kan sawi ve mai mai ange.
# A thawnthu hming: CHUAN
- Zawhte kha a lo kal a, miauu a rawn tia, CHUAN, Uite kha a lo kal leh a, bauh bauh bauh bauh a rawn ti ve leh a, CHUAN, Bawng kha a rawn kal leh a, Buuuuuuuu a rawn ti leh a... CHUAN.. etc.. etc.. [peih thleng thleng]
# A thawnthu hming: Mam-mam, Druun-drun
- Hmaaan lai hian Zomuani hi a awm a mawwww, CHUAN, Miau-miau kha a lo kal a, Zomuaaan, mam-mam ei rawh a rawn ti a mawwww, CHUAN, saww tah druun-drun an ti a mawwww.. CHUAN, Bauh-bauh kha an va hmu a, bauh-bauh-te enge i tih a.. an tia maw.. CHUAN, etc etc.. [a tawp thei lo a let zawng ten kan kal let leh mai zel]
# A thawnthu hming: DAWT inhrilh!
- Hmaaan lai hian maw, Aby hi a awm a maw, thawnthu hi a ngaithla ve duh lutuk a maww, CHUAN, a Pa kha sawi tur a hre silo a maw, CHUAN, zak miah lo khan a Pa khan, dawt phuahchawp mai mai kha a hrilh a maw, a ngaithla ve douh douh a maw...[hei pawh a tawp thei lo.. hmuh phak chin chin kha sawi tel vek tawh mai tur]
Note: Mizo thawnthu inhrilh ah chuan, thluk deuh vak vak leh, CHUAN hi a pawimawh khawp mai..
Nia, vei awm tak i vei.. I ziak ngaihnawm hle mai lehnghal.
ReplyDeleteI fapa zirtir char char rawh...ehhh :P
ReplyDeleteKu Alexx chu bei nuihxathlak hle mai, keini ang fa la neih velo tan poh trangkai khop mai...lo zir ve char2 chi anih khi!
ReplyDeleteNu Rami vei chu a dik khop mai, tunlaiah 'pawnto' hre tawh lo nopang an tam ngei ang, PC Girls saw'n hetiang lamah hi chuan tan poh an la viauin ka hria. Tunlaiah chuan pawntona tur hmun a zirin 'ala tha' emo 'thalo' emo a tih theih ang, hmanlai ang khan tunlai nopang hi chu an beisei theih tawh loh ani... lehkhazir...computer games khelh...TV en etc. etc. a tam ltk....
Blog chu siam la - section hrang hrang, Mizo cooking, Mizo pawnto hla, Mizo thawnthu etc tih te dah rawh. Hla chu audio upload theihin I dah ang a, kei pawhin Chawngchilhi nau in rulpui a koh dan te chu ka rawn contri ang :PP Keipawh tunlai chu hetiang hi ka vei bawn tawp, siam ka lo tum rilru deuh alawm :)
ReplyDelete