Tunlai chu kan naupan lai te ka ngaihtuah chhuak a, lung a leng rum rum thei alawm mawle. Eng eng emaw kan ziak ve mai mai teh ang. Hman hun leh a rau thawh hun a chhunzawm zel atan....
Community Hall ah khan badminton court a awm a, kha kha chuan mi a influence ve hle in ka hria.
Khel thiam tak tak leh thiam em em lemlo ten an han khel thinah. Keini hall opposite ah, kawmthlang Pu Chawngluaia te in chhukthlakna ah khan kan khel ve a, racquet atan school note-bu kawm khawng ngei kan han pawtthla a, shuttlecock lah hall a inkhel ho hman duh loh an paih kan han chhar khawm a. Hall chhungah court sir a kan han khelh ve trum te kha. A chang leh kan shuttlecock chhe lutuk kha kan zahpui a, kan hlap vak tum a court chhung a a tlak in kan han chhar zak vel thin lai te kha.
Kawmthlang Pu Biaka te April kung mawlh mai kha. Kan lawn a, a zarah kan thu a, kawngpui bul mai a awm kha a nia. A kung a buk si, kawngkal in min hmu thei si lo, kawngah mi an chhuk/chhoh khan, thingkung zar atangin "peuhhhhh...piuhhhh" te kan lo tia. Kawngkal kha an han hawi deuh he haw a. Keinin nuam kan lo ti ve em em a.
Pu Biaka (Biak Private-a, R. Lalbiaka) te khan telephone kha an nei alawm. Kan vengah khan a nei hmasa pawl kha an nia. An number pawh kha digit pali lek a ni ta in ka hria. A'u Mami (Pu Biaka tunu) khan phone a rik khan a han chhang a "Hello, 2664" a ti thrin ta in ka hria, tikhan telephone call kha an chhang ngei zel. Nawm hmel kha kan han ti thei mai mai khawp :D.
Chutah Telephone Directory a rawn awm a. Kan keu a, mi number kan en a, kan call a, call an rawn lak veleh "peuhhhh...piuhhhh" kan lo ti leh a. Va han nuam thin tak e awww. Mahse kan va call te kha chuan min ngei thin ngawt ta ve ang.
Zing tlan stage kha a lo awm leh a. Thlasik ah, kumtawp school chawlh lai vel a ni. Kan han riak khawm a. Zing tlan tum lutuk khan. Kan helhawlh kha dar 3 velah kan han tho a. Khua lah a vawt ropui si. Mission veng thleng thleng te kan va kal a. Ni khat kan tih kha chuan kan chhunzawm lehna kha chu kar khat hnu te a ni thin.
Subscribe to:
Post Comments (Atom)
I naupan lai ata tawh i lo chimawm hle thin tih hi mak ka ti lo, piuhhhh peuhhhh che hian! Bei ngaihnawm reuh phian mahse...ka'n sawisel teng. I thil ziah dan style hi a kum lama uai thla style eee. A MUP deuh rouh riau. I thil ziah dan pangai nen a in persan lutuk a, i original bindaas rambo style with all the wrouhs and xit xets kha a ngaihom. Be original, be yourself, mi style la suh. Kha zawng te kha ania..over and out.
ReplyDeleteKan naupan lai ve thung chuan kan racquet chu arbawm chhin a nia, kan shuttlecock chu bal a nia, arhmul kan thiat chawp thin.
ReplyDeleteTelephone awm tan tirh kha chuan number digit 3 chiah a awm ang, a tir lama 2 hi chu a hnu deuha belh leh a ni. Mahse, nangni naupan lai chuan digit 4 or 5 hial pawh a ni thei e :)
Zing tlan tur chuan sana alarm clock kan set thin a, a chiri chiah a, kan hmet hlum leh deuh tlangpui. Kawmchhak atangin thianten min rawn au al al a, bazar lam panin keini kan tlan thin thung.
In naupan lai vel chu a ni tawh mai thei, door bell awm tan tirh deuh khan zing tlan naupangin kawngkama mi doorbell hmeh vak an ching a, an rawn thawh velah an tlan leh daih thin. Nangni ho kha in ni hial lo maw aw?
Kan naupan tet atrang badminton hi kan khel ve thrin a..kan veng hall kha aizawl a hall thra ber kha a ni ve thrin.. racket hi racquet a ni tih pawh ka hre ngai lo.. tun hnu lawk a ka hriat! court ah kan khel pha meuh lo.. a sir ah kan ti ve lauh lauh reng a.. cock man kan nei ngai meuh lo.. light(tubelight vuah khawm) kawm chhung a tang kan hawlhthla thrin... kan bei ve nasa.. pachhunga coll kan kal lai in.. badminton ah ka tel ve duh ka tia,, min nuih nghek.. mahse ka tel ve.. ka sam sei bawk.. thring rim nam ching bawk si.. kan han inkhel a.. zu in ngai lem lo.. fit tawk mai khan min cho sual ve chiang teh a sin... lol
ReplyDelete@ Callilopia: Kei chu tarsa a piang ka nia..hihi..tak takah, ka ziah lai hian spelling kha 'thin' tih te kha "thrin" tih in ka ziak a, mahse ka edit leh vel...kan MUP ta tak tak anih hi :D
ReplyDelete@ samuelapa: telephone number kan hriattirh chuan four digit a ni tawh alawm :D ... bell hmeh i soi ang style hi school kan kal laiin kan hrat ngang mai. Electric Veng ah Pu. Masthanga te bell kan hmet a, kan tlan daih zel :D
@ ALEXXfender: chu badminton i lo khel thiam nek a ni maw....i inhmehlo reuh mang e :D
Awwwii zing tlang thrin lai kha ka hria lawm. A vawt thei mai mai. Pheikhawk pum te kha bun ngachang kan hre lova, slipper pan nen kan tlang ri luih luih zel. Zingkhat bak chu tlan peih chi a ni lo.
ReplyDeleteKeini chu badminton pangngai pawh kan khel pho lo, lehkhabu kawm in derken par kan vaw thein :D
Keini ai chuan in changkang deuh anih chu! Keini chaun cock kan vaw ve pha lova, derkhen kha kan vaw thin. Ngaihawm ve thin ngawt mai.
ReplyDeleteKan naupan lai chuan badminton a shuttle racket hi an la siamchhuak (invent) lova, shuttlecock hi kut in kan beng thin.
ReplyDelete@ Lucy: in lo morning run ve thrin a ni maw...hahahhaha
ReplyDelete@ Johnte: Lucy te nen a derhken vaw thrin kha i lo ni reng lo maw :D
@ Kima: ka awih lo ... dawt soi suh :P