Hmanah Pu Vanneitluanga ziah hi emni ka chhiar tak kha aww “lungleng mi chu nupui/pasal neih tawh leh tawhloh lam a ni lo, thla en te hian lung hi a leng vawng vawng mai a ni” tih lampang deuh a a ziah kha.
Mi lungleng mi ka ni e chu ka ti dawt bik chuang lova, ‘marawhchu ka han titi vel hian ‘mi lungleng mi tak i ni e’ titu hi ka tawng ta fo mai.
Mak ve deuh mai chu mihring nunna nei hi ka ngai ngai miahlo…ti ila dawt sawi ka ni awm sia..ka ngai khat khawp ti ila chu a dik chiah thung. Pawl 10 kan pass zawh khan pawl 11 zir turin a vawikhatna atan Mizoram ka chhuahsan ve a, ka chhungte ngai hian ka lung hi chhete eih hian zu han leng miah lova mawle. Hei hi hmangaihna ka neihloh luat vang nge? Ka hrethiam tawh bik lo.
Ka pi in kum 2000 September ni 19 a min boral san hnu khan ka ngai nasa ta em em thrin a, kha kha mihring ka ngaih ve tak tak intranna chu niin ka hria. Mahse min boralsan hnuah chauh a ni.
Chumi tih lovah chuan ka pasal hi (kan inneih hma atrang daih tawh khan) ka han ngai thei laileng khawp a, a chanchin ka sawi ngaithla peihlo kha chu kawm pawh ka kawm thra peih ngailo. Kan inneih hma kum 7 dawn kan inhriat chhung khan, mobile phone te kan neih ve tak hnuah pawh khan, min rawn phone a a hming ka mobile ah a rawn det zeuh zeuh hian ka lungphu te hi zuk la dang vek zel a mawle. A lo atchilh theih thrin ngar ngar teh e :D
Engpawhnise lunglen lam bawk chu sawi leh ta i la, ka lunglenna te hi mi tam tak chuan ho leh nep an ti thrin tih ka hria. Ka lung an len ve miau sia.
Ka lung ti leng em em tu threnkhat te chu:
1. Ni sat vel vawl ni a ralkhat a bawng bu ull ulll ri te, ar khuang al all ri te
2. Ruah a han sur a lei huh tantir rim nam veng veng te
3. Thla bial eng em em mai te
4. Krismas hla (kumtluan in ka ngaithla peih…ka lung hi an len em em ringawt)
5. Nihawi par…kumtawp dawn hnaiah nihawi par vul chukk ka hmuh hian ka lung a leng ziah
6. Chawlhni tlai…vairam ka awm tirh kum 12 kal ta atrang khan tun thleng hian Sunday tlai chawhnu lamah hian ka la nghilh dup ngei ngei
I sawi ang deuh khi ka ni. AN tawng pawh thiam map lova, mirama, mahni tawng tura biak tur awm miah lohna rama ka awm khan ka lung hi a leng ngai re re lo. Mawi hnaiah ka inti lungleng chawp fo mai :-) Abikin, chhungte leh thiante han biak chang nite hian, lung han tih len ve deuhte hi angai thin sia :)
ReplyDeleteThla eng ral lam tawh hi chuan ka lung ati lengve thin.
ReplyDeletehaha...seki-te, i lo ni ve ani maw....
ReplyDeleteI ziak tha hle mai. Ka lunglen thu ka han share ve teh ang che:
ReplyDeleteKum tam tak a liam ta, christmas dawn a ni a, dak kal sual vangin ka chhungte pawisa lo thawn ka dawng lova, thiante rualin ka haw ve thei lo. Thian te haw tur Kong dawra ka thlah zet kha chu ava hrehawm tak em. A hma zawnga thiante nena titi khawma ri ham ham thin kha, chu zan reh takah chuan kan hostel tukverhah ka han dak chhuak a, zan thla eng ruih hnuaia far ngaw a chhun en raih te chu ka thlir a, a khawharthlakin ava lunglenthlak tak em. Heni tum hi chuan ka lung a leng takzet a ni.
My Dear-a leh Engmawia te pafa in an hnem thei ngang lo che emawni le :D
ReplyDelete@ caribou: a va hrehawm duh awm ngar ngar ve...Kong-i chu i va rim mai lo anih chu mawle :)
ReplyDelete@ chhangte: in hnem theih lam thil pawh a ni chiahlo :)
hmani ah ka chhiar tawh.. mahse "lunglen" tih vel hi chu ka subject a ni lo.. tih te hi ka rawn comment leh hram hram ange.
ReplyDeleteKeichu ka vairam awm tirh khan ka nu hi kan ngai nasa thin em em khawp mai ah, mahse lo upat tak zel ah hian keipawh mihring ka ngaihna hi a nep sawt khawp mai. Ar khuang ri hian keipawh ka rilru pawt zawr khawpin ka lung a ti leng thei. Chuan vairam ah kan awm rei ta aniang, zingkar ni chhuah hma reh thip thiap a, Muslim ho Allah ko au ri hian ka lung a ti leng tlat pek anih chu. Chuan chhun reh thip thiap ni sat sir ser a, thing zaina khawl ri hian ka lung a ti leng bawn tawp bawk.
ReplyDeleteCollege kan kal laiin Mas Carol kan nei Auto ah mizo chhungkua kan kual pahin an inah kan va zai. Mi 5 kan ni Auto pakhatah kan chuang ho tingtang kan la keng zui. Kum 32 lai a lo liam ta mahse khami kum mas lungleng em em a ka hman ang khan ka lung a len mahse khatiang ang feeling kha ka nei leh tawh rih silo hian ka lung a ti leng
ReplyDeleteKei pawh ka lunglenna khawp hi ka tawng khat teh mai nia, Tleirawl chhoh tirhin Thingtlangah thla 3 school-ah ka thawk a (mi ai), khang lai kha chuan Phone te hi vana rah ang a la nia, vawi khat mah chhungte lehkha ka thawn lo a, thla thum hnu-ah In ka lut hlawl ringawt, Ka Nu-in "Lehkha pawh rawn thawn ve em em tur alawm" a ti a, "Nangni pawn in rawn thawn bik hleinem" ka tihsan.
ReplyDeleteMahni hian ka tal thang ve bawk, Seki-a sawi ang deuh khian a chang chuan ka insawi lungleng chawp vel mai mai... haha sawi tur a tam. I thu ziah hian eng eng emaw hi sawi belh tur a ti tam thei, ziak ngaihnawm thei phian si.
Chuan.. ruah sur hian ka lung a ti leng, ruah a sur cherh cherh a, khawpui nasa lutuk lo-a a rik der derte hian..
Lunglen hi chuh!! Tun lai tak hian ka hre em em ringawt mai a ni.
ReplyDeleteI ziak chhuak thiam mang e aw..! A sei mang bawk si lo! Keimaha ka awm hian ka lung a leng em em a a ni mai.. :D
lunglen tih te chu pawisa neihloh vang mai mai a lom.
ReplyDeleteKei chu mihring leh ka sulhnu hian ka lung a len ber. I lunglenna ang chi khi chu ka hre thiam vak lo. Sunday tlai khi chu kai chang ka nei ve zeuh thrin in ka hria.
ReplyDeletePhai a chhuk hlim kha chuan "Runmawi" tih hla te hian min vel ve thrin. Inleng neih tran lampang, in lam in min rawn ngai bawk nen, haw dawn thlakhat velah kan han in khungkhawm tranah..
awitei