“St. Pauls admission sang lutuk
hi a dik lo, ti hniam ve rawh se, school dang admission nen a in to hleih
lutuk” an ti sup sup a.
Khawvel khawi hmunah tak hian nge, ram changkang leh hausa a ni emaw
ram hausa lemlo pawh ni se la, school tha ve deuh leh tha vak lo te, school
hran hran-te hi, an admission man emaw an thla tin fee emaw a in an re re le??
School tha ah chuan a luh man a to mai chu thu dang nise lut tur pawhin test chi hrang hrang te
paltlang a ngai fo a ni lawm ni?
Bazar-ah pheikhawk lei turin kan kal a, a to deuh te, a tlawm deuh te
a awm a. A to lei phak chuan an lei mai a, lei phak ve lo chuan a tlawm an
thlang mai. A then a tlawm avangin pheikhawk nalh zawk leh a siamtu company
pawh changkang leh lar zawk te siam chu “ti tlawm ve rawh se” kan ti ngawt ngai
chuang hlei nem, “a nalh zawk bakah a tha zawk sia, a siamtu company pawh
company lar ania, an ti to zawk anih hi” kan ti mai thin.
St. Pauls School that lohna hre em em leh sawi chhiat hrat deuh deuh
te hi a lut ve lo te hi an ni chawk. St. Pauls a lut thin emaw lut mek emaw te
hian an school chanchin an han sawi chang hian an fak mai a, school dang
chhiatna an va sawi kher hi ka hre khat khawp mai, an school fak na an sawiah
khan an duhtawk mai zel ania. Enga tinge school dang atanga zir chhuakte leh
school dang a zir mekte hian St. Pauls hi an sawichhiat fo mai le? Kal dikloh
na laite emaw tihsual te chu an nei ve em em ang a, mihring enkawl a ni miau
va, mihring chu diklo thei kan ni bawk nen. Mahse an zirna school emaw zir
thinna school emaw fak a duhtawk mai lova St. Pauls thatlohna an han sawi tel
hram thin hi chu enge a chhan ni ang aw?
“An school naupang ho zia a mawilo lutuk, bus ah chuang se midang
hmaizahna nei miah lovin bengchheng an siam a” an ti. Aizawl a school dang te
hi an school bul-ah bus stand hmasa ber hi awm ve ta se, bus-ah khan an school
naupang deuh hlir chuang khat ta thup se, an zia a mawi bik viau angem aw tih
hi chu ngaihtuah tham tak a tling asin. Republic Day emaw Independence Day emaw
a Sipai Lammual a function a school dang zirlaite an tei kual mai mai laia St.
Pauls zirlaite hmun khat a an thu khawm thap thin te hi fakna ri hriat a va
khat em.
Hetiang reng te hi chu a, a fair bik lo e!
Keipawh St.Paul's sawi chhe reng ho hi ka ning tawp. Bus story te hi an sawi peih ltk a, hetah hi chuan kei ngei pawh hi ka guilty haha Mahse eng huat em em tur awm? Tleirawl nuih duh lai, thianza ho a han awm khawm nui mai mai lo huat viau. Chu ai chuan School dang makeup in hnawih tek tuk sahdah hmuam tren trun te hi ka duh lo feee. Sawisel sawisel mahse St.Paul's chhuak nge nge, an dang nge nge. Hmanni ah hmeichhe pakhat, ka mi hriat loh, amah hi scandal tenau deuh (:P) ah a tel vang nia, chunu chuan khawiah emaw thil a comment a, ka thiannun va chhiar rawh a tia. Ka va chhiar a, English lo thiam zek a, ka thiannu bulah 'English thiam reuh ee' ka tia, 'Amah kha St.Paul's chhuak ani' a lo tia, like that's all the explanation needed haha Ka tan ve teh mai nia ka school hi chu :)
ReplyDeleteDik fu ni. Miss Rami'n nula hmeltha deuh hi chuan sawisel an hlawh nge nge a tih kha mawle
ReplyDeleteEkhai aaaaaa!!!! kum 3 hnu ah i rawn blog leh hi a ropui hleeee mai! Congrats!!!!! :)
ReplyDeleteA dik khawp mai.
ReplyDeleteTi tlawm thei se chu a tha khawp mai, keini mi rethei fa te pawh kan lut chak ve em em a ;)
ReplyDeletechhangchhe grp a i post kha ka chhiar a,ka fate poh hian english an thiam phah ve viau a ni ang an Tv en atang hian a U zok phei hi chu amahin a nui ker2 zel cartoon/film en pah hian.
ReplyDelete